اكتب نبذة عن حياتك انت علشان تبقا اخونا او اختنا بجد

السلام عليكم يا اجمل واحلى اعضاء فى الدنيا النهاردة انا فكرت انى احط فى ركن الترحيب هنا موضوع جميل وهو ان كل عضو يدخل هنا يقول نبذة صغيرة عن حياته

يا جماعه انا حطه الموضوع ده علشان دايما بنقول اننا اسره وحده
واخوات
والمشكله اننا منعرفش غير اسامى بعض او اعمارنا بس مش اكتر وكمان بتبقى اسامى الدخول
يعنى ممكن متبقاش الحقيقيه

لازم ياجماعه نعرف بعذ اكتر من كده لو مكنش عندكم مانع
ياريت كل واحد يدخل ويعرف نفسه اكتر

علشان نبقى اخوات بجد وعارفين عن بعد كل حاجه انا مش جديدة اوى فى المنتدى انا بقالي يعنى 3 اسابيع كدة
وياريت بجد موضوعى مش يضياكم وعايزة ردكم عليه

وانا هبدا بتعريف نفسى

انا اسمى الحقيقى آية

ودلع اسمى يويو

وانا بحب اسمى جدا جدا

انا من مدينة المنصورة عاصمة محافظة الدقهلية فى مصر وبجد بحبها جدا جدا علشان هى بلدى اللى عشت فيها حياتى كلها وكمان بحب مدينة الاسكندرية اووى لانى ساعات بصيف فيها

انا حاليا ماشية فى 16 سنة

تاريخ ميلادى 13/4/1994 يعنى برج الحمل

انا حاليا راحة اولى ثانوى حلمى انى ابقى حاجة كبيرة فى الحياة نفسي ادخل كلية صيدلية ياريت تدعولى احقق حلمى

حياتى العاطفيه طبعا لازم تكون خالية لانى اكيد صغيرة

وبجد بجد بحب كل الا عضاء اللى هنا
ادمن وسمسمة وشذى وكل كل الاعضاء
وحتى الاعضاء الجدد

يارب مكنش طولت عليكم وبكده انا قولت كل حاجه عن نفسى ياريت كل عضو يعمل زى نبذه عن حياتك
علشان نعرفك وتبقى اخونا او اختنا بجد وعايزه اعرف رايكم فى الموضوع
سواء عجبكم او لا وانا بجد مش هزعل

اولا: تسلم ايدك يا ايه على الموضوع الجميل ده
وبجد احنا كنا محتجين للموضوع ده بجد
ابداء بقى بتعريف عن نفسى
انا اسمى الحقيقى اسراء
وعندى 16 سنه
وانا من المنصوره من محافظه الدقهليه برده
وهوياتى القراءه والرسم وساعات السفر
وبجد يا ايه موضوعك ده هيقرب الاعضاء من بعض
وانا اتمنى ذالك

ميرسيي يا سمسمة لمرورك وتعريفك الجامد دة وطبعا انتى غنية عن التعريف بالنسبة ليا لانى اعرفك كويس وياريت كل الاعضاء يتواصوا معانا

تسلمى يأإ يوّّّيوّّّّ علىّّّّ ـأإلتوبيكــّّّ ـأإلجأإمد دهّّّ
ونقوووووووووووولّّّ
ـأإنأإ ـأإلدلع بتأإعى توتأإ
دهّّّ ـأإكتر ـأإسم بحبّّّ ـأإلنأإسّّ تنأإدينىّّ بيهّّّ على طولّّّ
وهواياتى ـأإلسفر و ـأإلقرأإهّّّ و ـأإلرسمّّّ
وبس كدهّّّ كفأإيهّّّ عليكم كدهّّّ
ـأإهّّ نسيت
ـأإنأإ من ـأإلمنصورهّّ
geek

ميرسيي يا قمر لمرورك وردك الجميل دة وخلاص انا هقولك يا توتا

ميرسى يا يويا على الموضوع الجامده ده

تسلم ايديكى

اعرفكم بنفسى

الاسم ......... خليه سر
بس الدلع ميرو وده بحبه جدا
من عروس النيل المنصوره
السن 20 سنه
تربيه رياضيه يااارب انجح واروح تالته

هواياتى كره اليد والنت
وطبعا الشغل ده اساسى فى الاجازه

ادعوولى
ويارب اكون اخ او صديق وده شرف ليا
وعضو خفيف عليكم كلكم
تقبلوا تحياتى
MERO

اهلا بيك ميروو نورت التوبيك
وميرسيي لردك وتعريفك لنفسك

شكرا علي الموضوع ده وده هيقربنا اكتر
انا اخوكم الكبير احمد المصري
عندي 28سنه اهم هواياتي الرياضه والنادي الاهلي هو النادي المفضل وبحب برشلون والمان يونايتد وميلان والانتر
كمان السفر وقبرص افضل مكان انا رحته
كمان تأليف الاشعار
انا شغال مدير تنفيذي بأحدي الشركات التجاريه هنا بالكويت
بحب الناس كلها واتمني منهم ان هما يبادلوني الحب ده
والكره الحمد لله ملوش مكان في قلبي
اه علي فكره انا من محافظةاسيوط درة الصعيد

اهلا بيك يا مصرااااوى فى المنتدى وميرسيي لردك على الموضوع وتعرفيك الجاامد دة

توبيك جامد يا يويو تسلمى
وأنا أسمى لارا
ودلعى لوريتا
من مصر
عندى
19 سنه
وبجد انا فرحانه اوى انى بقيت معاكم هنا

اهلا بيكى لارا وسط اصدقائك واخواتك

منوره المنتدى وسعداء انك معانا

ويارب المنتدى يكون عجبك

ونشوفك معانا على طول

اولا شكرا يا اية على التوبيك الجميل دا

ثانيا اسمحولي اعرفكم بنفسي

انا كبرت اتلاقيت كل الناس من ابتدائي ولحد الجمعة بتقولي yoyo وبعدين لما كبرت شوية عرفت ان اسمي مش يويو
بس يويو دا فضل معايا بيني وبين اصدقائي لحد الوقتي وبجد بجبوا اوييييييييييييييي بيفكرني باللعبة بتاعت ايام زمان واحنا اطفال اللهيا الكورة اللي كانت مربةطة باستسك وبتتهز دي لو تعرفوها
بس بردوا بيني وبنكم الاسم دا عملي شوية مشاكل الناس كلها مفكراني بنت بس اعمل اية لازم نستحمل

وي انا عندي 20 سنة لسة مكملهم في 7
اة نسيت اقولكوم انا من بلد الفنار العالي فوق الكنال الغالي وسفاين ريحة جية انورها بتلالي
طبعا دي تبقى بورســــــــعــيـد
ومعلش لو طولت عليكوا

yoyo 1
(*_*) - (^_^) Laughing

اهلا بيك يا يويو فى المنتدى
بس برده مش عرفنا اسمك ايه

اهلا بيكى لوريتا نورتى المنتدى
اهلا بيكى يا يويو وميرسيي لردك وتعرفيك الجميل دة
حقيقى نورتوا المنتدى

ميرسي يا اية وشكرا على الترحيب

بجد والله كلكم منورين المنتدى يارب ما نتحرم منكم أبدا
وعلى طول أحنا أسره واحده

موضوع جميل اووى يا آية وانا بعد اذنكم هشارك معاكم فيه
احب اعرف نفسي

انا اسمى سمية وبيدلعونى سوما من مصر وعندى 18 سنة وفى اولى كلية حقوق
بحب حاجات كتير اووى فى حياتى طبعا اول حاجة مامتى وبايا ربنا يخيلهم ليا
وبحب جدا الكمبيوتر والنت ومش بزهق منه ابدا
بحب الرياضة كمان اووى ووبموت فى حاجة اسمها البلاي ستاشين بجد بعشقه
وعلى فكرة شكل الاعضاء هنا كلهم حلوين اووى وطيبين جد
انا حقيقى سعيدة انى بقيت معاكم هن فى المنتدى

اهلا بيكى يا قمر وسط اسرتك بجد منورة المنتدى يا سوما

اهلا بيكى يا سوما فى المنتدى

<<<<<<<< A_Y_A semsemaa

ميرسيي ليكوا بجد اووى

نورتى المنتدى بجد يا سوما
ويارب يكون المنتدى عجبك

بجد نورتييييييييييييييييييييييييييييييييييييييييييي

المنتدىىىىىىىىىى

شكرا على التوبيك الرائع ده ويارب تقبلونى معاكم
انا المصرى كل اصحابى بينادولى بكدة
طالب فى حقوق المنصورة
ومن المنصورة
20 سنة
بحب الكتابة والقراية جدا
بكتب كل انواع الكتابة (مسرحيات - روايات - افلام - مسلسلات -شعر غنائى - شعر سياسى- رسايل موبايل)
بعشق احمد فؤاد نجم ونزار قبانى
من عشاق القيصر كاظم الساهر والكنج محمد منير
لا اجد ممثل عربى مثل الاسطورة احمد زكى ملك التمثيل العربى
زملكاوى
وغير متعصب رياضيا
عاشق عشق الجنون للملاكمة
ومن عشاق سيلفستر نجم الاكشن الاول فى العالم
اعتقد انا كدة قولت كل حاجة ورغيت كتير يارب ما اكونش ضيف تقيل على قلوبكم وتقبلونى معاكم
شكرا للجميع تحياتى

نورت المنتدى يا مصرى
طالما انضميت للمنتدى فـ انت بقيت اخ وصديق لكل الل فى المنتدى
وعلى فكره احنا ولاد بلده واحده يعنى الدم بيحن
نورتنا ويارب نستفيد بكتاباتك ونستمتع بها

الله يخليكى يارب مشكورة بجد على الرد الجميل ده وزى ما انتى قولتى
احنا اخوات وولاد بلد واحدة

هورت المنتدى يا مصري انشاء الله نبقا اصدقاء واخوات كمان

وبما ان انت وسمسمة من يلد وحدة
فأنا وانت من رياضة وحدة

الكملاكمة

وباصي يا معلم

yoyo كتب:: هورت المنتدى يا مصري انشاء الله نبقا اصدقاء واخوات كمان

وبما ان انت وسمسمة من يلد وحدة
فأنا وانت من رياضة وحدة

الكملاكمة

وباصي يا معلم

انتة من الاحراااار يا على
Laughing

منور يا كبير وشرفتنى بردك
واكيد زى ما قولت احنا خلاص يا عمونا بقينا اصحاب واخوات

اكيد طبعا كلنا اخوات واصحاب

وبجد نورت المنتدى يا مصرى
واكيد كلنا مبوسطين بانضمامك لينا

ويارب يكون المنتدى عجبك
ونشوفك دايما معانا

.. أهلاً بمن أتانا بتحية وسلام ..

.. يريد منا ترحيباً بأحلى كلام ..

.. يريد أن ننرحب به للإنضمام ..

.. إلى مركب أعضاءنا الكرام ..

.. أهلاً بك بمنتديات.توتى. ونتطلع بكل الشوق لمشاركاتك ..

.. وعلى الخير دوماً نلتقي ..

.. كم أسعدنا وجودك في سماء منتدانا الغالي
&&&&&&&&&&&

بجد توبك جامد ولكى منى كل الاحترام والتقدير

انا محمود من اسكندريه
واصحابى بيحبه فى الشغل يقولو ابو صلاح
واصحاب الدراسه حوده
وكانت حبيببتى بس الحب انتها كانت بتقولى مودى علشان كده بحب مودى
عندى 20 و9شهور ونص
بحب العمل فى السياحه
بحب اشغل اى حد محتاج شغل
انا من اسكندريه
واى حد محتاج يشتغل فى السياحه انا موجود بنات او شباب فى اكبر فنادق اسكندريه
بموت فى الصدقاقه
بحب اعمل الناس كلها اخواتى
اسف لو طولت عليكو thank you

منور المنتدى بوجودك يا محمود
ويارب يكون عجبك
وعايزين نشوف مواضيعك الجامدة اووى

منوووووووووووور يا كبييييييييييير
واهلا بيك اخ للكل

منوريييييييييييييين كلكوا

وخصوصا المصري شكلوا هيبقا توامي في المنتدى

yoyo كتب:: منوريييييييييييييين كلكوا

وخصوصا المصري شكلوا هيبقا توامي في المنتدى

خلى السلاح صاحى ان نامت الدنيا اكيد هاكون نايم
هو يعنى انا اللى فيهم affraid

اكيد يا كبير انا ليا الشرف واكيد المنتدى منور باصحابه

هههههههههههههههههههههههههههه

دا جنان دا ولا اية

مش مشكلة

المهم كلكوا منورين بيتكوا على النت

بسم الله الرحمن الرحيم

بجد موضوع جاااااااااااااااااااااامد واحب اعرفكم بنفسى

انا اسمى أسلام عسل كل اصحابى بيقولولى عسل وبحب الاسم دا اوى
عسل دا جدى
من المنصورة
متخرج من كليه تكنولوجيا
السن 22 سنة ماشى فى 23
المهنة مهندس كمبيوتر
هوايتى هيا لعبتى دلوقتى رياضة الكونغ فو -حزام أخضر ) ادعولى بطولة الجمهوريه كمان شهرين يارب اكسبها

اهلا بيك يا اسلام فى المنتدى
ويا رب تكسب بطولة الجمهوريه

» 15 الخامس عشر سبب علشان تتأكد انك بتحب بجد !!!!
» مى عز الدين: انا مش مجنونه علشان اعمل كده !
» 5 نصايح علشان تبئى واثقه فى نفسك
» اكتب كلمه بدون نقاط عليها....
» كيف تحب ان يكون شريك\ـة حياتك؟؟