لعبـة الفـزورة ايـــه ؟؟؟

النهاردة معايا لعبة جامد موت موت

طبعا اللعبة مفهومة من اسمها لعبة الفوازير

وهى ان كل واحد يقول فزورة واللى بعده على طول
.
يحلها ولو مش عرفها ممكن حد تانى بعدها يحله....وهكذا

وطبعا ممكن تكوت فزورة او سؤال عادى فى فكرة وعايزين له حل كدة

يالله انا هبتدى بسؤال كدة وعايزة حد يحله

وياريت كلكم تشتركوا فى اللعبة علشان عايزة اكتر من حل

*السؤال بيقــول؟؟

ماذا تقعل اذا كنت تركب فى سيارتك وفى طريقك الى البيت
وقابلت فى طريقك ثلاثا متجاورين يريدون السيارة

اولهم: سيدة عجوز مسكينة مريضة تريد الذهاب الى المستشفي
ثانيهم: صديق انقذ حياتك فى يوم من الأيام
ثالثهم: فتاة احلامك التى قضيت عمرك للبحث عنها

* بشرط
مسموح براكب واحد فقط
ماذا تفعل لو انك فى هذا الموقف وكيف تتصرف؟؟
كيف؟؟؟

انا انزل من السياره واديها لصديقى اللى انقذ حياتى يوصل السيده العجوز للمستشفى
وابقى انا مع فتاة احلامى Laughing

يارب يكون الحل صح
واللعبه جامده مووووت يا ايه
بس اللى عايزه اعرفه هو انى لازم احط فازوره انا كمان ولا انتى اللى هتحطى الفوازير

صح الحل يا سمسمة هو دة
فعلا بالضبظ كدة
وبما انك حليتها صح
يبقى حطى فزورة تانية جديدة
اوكــ

فزورتى بقى اظن محدش هيعرف يحلها
يبقى ذكى قوى اللى يحلها
بس لو محلتوهاش اعمل ايه ؟
واللى هيدخل ومش هيعرف يحلها
ياريت يسيب تعليقه وياريت يكون تعليق روش
ههههههههههههههه
Laughing

اسم مذكر اذا حذفت الحرف الاول اصبح اسم مؤنث
واذا حذفت الحرف الثاني اصبح فعل
واذا حذفت الحرف الثالث اصبح حرف جر
واذا حذفت الحرف الرابع اصبح حرف علة؟
االاسم مكون من خمس حرووووف

يلا يا حلوين حلوها يا شطرين

طبعا حلوين وشاطرين وهنحلها
بس السؤال كان صعب شوية يا سمسمة
بس عرفت الحل بس ما دوخت ربع ساعة بس هو غريب اووى
الاسم هو عفيفي
المونث فيفي
حرف الجر فى
حرف العلة ى

الفزورة بتاعى بقى
هى فزورة سهلة صعبة بس غبية
ومعتقدش ان حد هيعرف يحلها

الفزورة بتقــول

له منقار ولا ياكل وعنين ولا يري
ورجلين ولا يمشي وجناحين ولا يطير؟؟؟

ياترى ايــه
؟؟؟؟

ا
للعبه جااااااااااامده موووووووت
تسلم ايديك يا يويو يا عسل

والاجابه
عصفور ميت

يارب تكون صح

علشان احط فزوره

هو الحل ممكن يكون
الكتكوت فى البيضه
ههههههههههههههههههه
والله اعلم
يارب يكون الحل صح pale

ههههههههههههههههههههههه
الاجابة الصح فعلا عصفور ميت
عند ميرو
يالله انت حط سؤال
بس حلوة حكاية الكتكوت فى البيضة دى يا سمسمة
هههههههههههههههههههههههه

هههههههههههههههههههههههههههههه

الفزوره طويله شويه بس
محتاجه شويه تركيز وتفكير

لانه لغز ويلا يا حلووووين فكروا وحلوا

في امرأة غنية جدا عايشة في بيت كبير و قررت انها تذهب لقضاء عطلة بالخارج و أمرت الخادمة ان
تقوم بحراسة جميع ممتلكاتها من ذهب و مال و غيره لحين رجوعها إلى المنزل
المهم لما سافرت المرأة ، دخلت الخادمة إلى غرفتها و قامت بإخراج جميع ملابسها من الخزانة وبعثرتها
ثم سرقت ممتلكاتها وبعدين خرجت من الغرفة و وقفلت الباب بالمفتاح ، ثم خرجت خارج المنزل
و رمت حجارة كبيرة باتجاه نافذة الغرفة التي قامت بسرقتها ، ثم إتصلت بالشرطة و قالت انها حالة
سرقة تمت في المنزل و ان السارق دخل من النافذة

وعندما اتي المحقق قالها انتي اللي سرقتي بدون ادنى تردد او تفكير
ازاي بقي عرف ده بسرعة كده ؟؟؟؟

اكيد عرف انها هى السارقه اولا لان الباب كان مغلق بالمفتاح وهى اللى معاها المفتاح
تانى حاجه اكيد شاف الحجر اللى رمته واكيد كانت النافذه مغلقه من الداخل فكيف اغلقها السارق بعد خروجه
يارب يكون الحل صح

مشكوره يا سمسمه على الحل

يعنى قربنا شويه

بس نشوف اجابه تانيه

ميرسيي ع الفزورة ويارب اقول حلها صح

اول حاجة لو كان فعلا اللى سرق فعلا حرامى زى ما قالت الخادمة
فالحرامى مش مجنون علشان يكسر النافذة بالحجر هو يعنى هيفضح نفسه ولا ايه
ولو حتى حرامى ومجنون فأول حاجة هيعملها انه هيكسر النافذة بالحجر فبتالى زجاج النافذة هيقع الاول على الارض
وبعدها هو هيفح الدولاب علشان يسرق ويرمى الهدوم على الارض فهيبقى الزجاج على الارض وفوقه الهدوم
والخادمة لما الست خرجت رمت الهدوم على الارض الاول وخرجت ورمت الحجارة من برة المنزل
فطبعا زجاج النافذة وقع ع الهدوم ولو كان حرامى كان المفروض يحصل العكس
فاكيد المحقق عرف من كدة يعنى

يا ترى الحل صح ولا

بصراحة انا شايفة انه رايى مقنع
واوعى تقولى الحل غلط
علشان اقول فزورة

بما ان الخادمة بعترت الملابس اللي في الدولاب في الغرفة كلها على الارضيه
وخرجت و ((قفلت)) الباب بالمفتاح ..... ونرلت ورمت حجارة (( كبيرة ))

هينتج ان الحجارة والازاز اللي هيتكسر هيبقي (( فوق )) الملابس وحاجات
اللي الخادمة بعترتهم علي الارض ......
يعني كسر الازاز أتي (( بعد )) عملية السرقة ... والسرقة تمت من الباب
وليس الشباك

ده حل الفزوره اللى شايف ان اجابته صح

يحط فزوره

مع ارق واجمل التحيه

يعنى اجابه سمسمه صحيحه
مبروك يا سمسمتى
لولولولولولولولولى
حط فزوره تانيه يا ميرو

انا مش فاهمة الحل دة بجد
علشان عايزة اعرف ايه الغلط فى الحل بتاعى
اصل انتوا مش تعرفوا انا جبت الحل دة منين
دة سالت العيلة بتاعى كلها على السؤال وفى الاخر توصلت للحل دة
وبعد كل دة يطلع مش ضح

لعبـة الفـزورة ايـــه ؟؟؟ Icon_sad

محلسى يا يويو

خلاص يا ايه متزعليش حلك صح
وانا مقتنعه بيه وبقولك حطى انتى الفزوره
لانى مش عارفه اى فوازير دلوقتى

بصوا هى بقا بلطجه
من الآخر أنا اللى هحط الفزوره
سار عدد من الآولاد فى صف فكانوا أربعه أمام ولد وأربعه خلف ولد وولد فى الوسط فكم كان عدد الآولاد ؟

ايوة كدة هو دة اللى مفروض يحصل
بلطجة بلطجة المهم انى فى حاجة تتحط
ههههههههههههههههههههههههههه
بصي يا ستى انا هاقول الحل وربنا هيستر ان شاء الله
هما هيبقوا خمسة
ومتساليش ليه
علشان انا تخليت الفزورة كدة
حسب الكلام اللى قلتيه

والله اعلم يعنى

الحل ممكن يكون 9

صح يا أيه أجابتك صح
لولولولولولولولولولولى

كل سنه وانتم طيبين

ممكن احط انا فزوره

كان في بنت معاها سلة تفاح شافة فقير ادتلو نص اللي بالسلة ونص تفاحة
وبعدين شافت فقير تاني ادتلو نص اللي تبقى بالسلة ونص تفاحة وبعدين شافت
فقير تالت ادتلو نص اللى تبقى بالسلة ونص تفاحة فكم تفاحة كان بالسلة مع
العلم انها ما قسمتش ولا تفاحة
يلا يا حلوين
عاوز الحلول تنزل مطره عليا

ايه يا ميرو
طيب مفيش اختيارات
ههههههههههههههههههه
هفكر وارجعلك

بصراحه صعبه اوى
معقدش ان حد يعرفها
قولها بقى