يوميـــــات مشـرف فـى المنتـدى

يوميات مشرف فى المنتدى

- - - - - - - - - - - - - - -

الموضوع عباره عن حلقات متجدده من يوميات المشرفين فى المنتدى

يوميـــــات مشـرف فـى المنتـدى Wel054

الحلقة الاولى

- - - - - - - - - - - - - - -

اول ما قام من النوم لقى الموبايل بتاعه بيرن

فلقى الادمن بتاع المنتدى بيتصل بيه
المشرف:اصطبحنا واصبح الملك لله ......صباح الخير يا فندم

الادمن: خير هييجى منين الخير ياسى زفت
انت سايب قسمك ونايم الله يخرب بيت اللى شار عليا الشورة السودة دى انى امسكك مشرف انت متنفعش حتى تبقى عضو موقوف

المشرف : ليه بس يا فندم دا انا حتى مغسلتش وشى ودخلت على طول على المنتدى

الادمن : عموما ادخل شوف قسمك ودا اخر انذار ليك
وانتهت
المكالمه والمشرف طبعا مضايق وبيقول انا ايه بس ياربى اللى دبسنى التدبيسه
السودة دى ماكنت عضو وميه ميه المهم دخل على الرسايل الخاصه بتاعته بقى
لقى الرسايل دى

الرسالة الأولى

السلام عليكم ...ازيك مشرفنا .. بقولك أنا اضفت موضوع بس معرفش شكله نزل ثلاث
مرات بالغلط أحذف أي واحد فيهم .. اللي يعجبك أنت بس احذف

الرسالة الثانية

مرحب مشرف الأعضاء ... لو ماسكتوش هعمل حاجه محصلتش.. واقلبلكم المنتدى .. وقد اعذر
من بنجر ...

الرسالة الثالثة

ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس ....

الرسالة الرابعة

مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<< مصدقه نفسها

الرسالة الخامسة

هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى
بس ياريت يعني اذا عملت موضوع ثبتلهولي ..على فكرة انا زعلانة محدش يثبتلي
مواضيعي

وانا مال اهلى انا محدش بيثبتلك مواضيعك متتحرقى انتى والمنتدى
دا رده طبعا

الرسالة السادسة

ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي .. عجيبة والله ...

الرسالة السابعة

مساك زي الفل يا سوبر ستار المنتدى ...

بصراحة انا مكسوف منك عايز أطلب طلب بسيط ... يعني انا عايز اعرف ازاي
المشرف بيتعامل مع المواضيع و ايه الطريقة يعني بالعربي الفصيح .. عايز
الباسوورد بتاعتك اذا تكرمت
ماهو دا اللى ناقص؟؟

الرسالة الثامنة

يا اخي انت زودتها ... شايف نفسك علينا وكل مانكلمك ما تديناش وش .. ياخي
الاشراف مش يعني بقيت ملك ... اختشي على دمك بقى .. قال مشرف قاال ... انت
أصلاً خدام عندنا يعني تخدمنا .. اقولك : روح هاتلي واحد شاااي

صحيح الى ميعرفش يقول عدس

الرسالة التاسعة

حبيب قلبى... ازيك حبي .. عرفتني ؟؟ أنا أمورة .. واحشني اوي ... اقلك كلمني على الياهو ضروري ... بااااااااااي

الرسالة العاشرة
من المشرف العام

السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة
الأمور بأسرع وقت .. وان تفعل أي شي لمصلحة المنتدى ... وشكرا
...

الرساله الحادى عشر

لو سمحت والنبى يا سعاده الباشا فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا

ليه يعنى قالولك عليا فتحها عالم سمسم بوزع ايميلات

بعدها الحمد لله المشرف اتجنن

******************************

هههههههههههههههههههههههههههه
الحمد لله يا ايه ده مش بيحصل معانا
واصلا محسسنى انه بيشتغل فى شركه
بس بجد موضوع يجنن

هههههههههههههههههههه
حلوة اووى بجد يا يويو وياريت باقى الحلقات

الحلقة الثانية

-----------------

الادمن : يافتاح ياعليم يارزاق ياكريم....اصتبحنا واصتبح الملك لله...شغلانة ما يعلم بيها إلا ربنا... إيدك معايا يا عم علشان نفتح الساعة داخلة على سبعة والنهار شقشق

المشرف : سمى انت وادخل يا ادمن....أنا عايز أنام شوية

الادمن : ياجدع قوم بلاش كسل...المواضيع كتيرة ولسه على ما نقرأ ونفرز ونشوف إيه اللى هنخليه وإيه اللى هنحذف منه وإيه اللى هنحرقه بجاز

المشرف : أهو سى السيد وسمسمة وآية وسوما جم أهم...خليهم يبتدوا معاك على ما احلق دقنى واتشطف

الادمن : على فكرة ياجماعة الواد سيد ده زهقنى من عيشتى... أنا مش ملاحق عليه....ده تشوفولكم صرفه معاه

المشرف: أنا رأيى إن سيد ده نعامله معاملة فاقد الأهلية

الادمن : انت مش فاهم هوه بيقول إيه...الدور والباقى على ضـى وآية وسمسمة ...مثقفين زيادة عن النسب

المسموح بيها فى أى منتدى....كلام فى الدين شوية والسياسة شوية والإرهاب شوية وابن لادن شوية والاثار شويه

والازياء شويه وعالم المرأه والمطبخ شويه لما الضغط ابتدى يعلى عليا....انتم عارفين العنيين مفتحة علينا الأيام دى...

وعشان يقلوظوا السلطنية علينا تلاقيهم فجأة نقلوا عالموسيقى والفن التجريدى والالعاب الكتابيه علشان ننسى الكلام التقيل

المشرف: أنا شايف إن أخطر الموجودين على الإطلاق انت .....عامله ركن للسلطة فى باب المطبخ وسببت لى مشاكل فى البيت مع المدام

الادمن: وسع ياجدع أبو حميد وصل...صباحين وحته....مين بس اللى مزعلكم وانا احذفه من عالخريطة.....أنا فيه إتنين تلاتة اربعة مربيين دقونهم وكل واحد فيهم عامل فيها شيخ الإسلام وهما فى التوهان خالص....شفت اللى بيقول قتل السياح حلال...ده هنسكت له ولا حنبقى رجالة ونقف وقفة رجالة وكل ماحد منا يشوفوه يروح لازقه إنذار لحد ما يزهق من عيشته ويخلع لوحده

المشرف : إحنا معاك يابو حميد.....لازم نقف لهم وقفة رجالة...قتل السياح حرام وجوازعتريس من فؤادة باطل....اللى عايز يجاهد يجاهد هناك فى الخرابة ما يجيش يجاهد هنا فى سينا

عضو 1 : أنا رأيى إن الفرخة وهيا بتعبر الطريق داست على كل اللى قدامها....نتعلم من الفرخة ياجماعة مش عيب....اللى مش عاجبه قواعد الكتابة هنا ندوس عليه أو أقل ما فيها ننتف ريشه

عضو 2 : عفارم يا ياقمر...هيا دى...ننتف ريشه....فكرة بمليون جنيه...بعيد عن الإنذارات واللبش...ننتف ريشهم يعنى نعريهم...هيا دى

عضو 3 : أنا ضد العنف فى الحوار ياجماعة....مش كل ما نختلف مع واحد فى الرأى ننتف ريشه...خلينا نتحاور معاهم حوار راقى يانقنعهم يا يقنعونا

عضو 4 : يا سيدى معلش مع إحترامى فى كام واحد جايين جداد هنا محتاجين شوية ترصيص وظبط زوايا

و كفايه بقى كده علشان ماحدش يفكر يقتلنى

ههههههههههههههههههههههههه
يعنى ايه كفايه يعنى مفيش حلقه تالته
ولا ايه بس بجد تحفه

ميرسيي ياسمسمة لمرورك وهما 8 حلقات

بجد تحقه يا أيه

ميرسيي يا قمر لمرورك

مستنيين الحلقات الجايه يا ايه
لان بجد شكلها حلو اوى

الحلقة الثالثة

(حلقة الفضايح)

-----------------

عضو 1: ياجماعة أنا عايزكم تفتحوا
عينيكم وتراقبوا الناس كويس.....الفترة دى حرجة وحساسة فى تاريخ
المواطنة.... وعايزكم كمان تخزقوا عينين أى واحد يقول على المكان ده
(منتدى)...المكان ده إسمه (توتـــى)
دلوقتى تقدروا تتفضلوا على مكاتبكم جتكوا الغم ...........

المشرف هامسا فى أذن ألادمن : إيه العبارة...مال البيج بوس كارف علينا كده ليه
....اللى يسمعه يفتكر إننا بنعبى فى فلوس من ورا الشغلانة دى .... أنا
الشغلانة دى لولا إنها عاملالى بريستيج ولا كنت قبلتها .... إنت عارف إنى
كان نفسى من زمان أبقى مشرف إن شالله حتى على دورة ميه

الادمن: عارف يا عم أنا زيك بالظبط ...إنت عارف إنى كان نفسى أدخل كلية الشرطة
عشان تبقى فى إيدى سلطة بس مجموعى فى الثانوية العامة طلع كبير غصب عنى
فاضطريت أدخل كلية الهندسة وبعدين كمان مكنتش حتقبل فى الشرطة عشان عندى
تقوس فى الساقين

عضو 2: ممكن نبطل رغى شوية ونشتغل شويتين....الجدع اللى كاتب موضوع إيه الفايدة من ورا المنتدى ده عايزين نحول أوراقه لفضيلة المفتى

عضو 3: هوه المفتى فاضى لنا يا شوشو المفتى
بيحضر من دلوقتى علشان هلال شهر ذى الحجة....إنتى عارفه إن فيه فرق يوم
بينا وبين السعودية.....إحنا نصفى الجدع ده من سكات...فى العزومة الجاية
فى المول يكون الادمن والمشرف راكبين موتوسيكل ومعاهم سمسمة ....وأول ما يشوفوه
داخل المول يصفوه ويهربوا

عضو 4: وأنا عليا هجيب لكم صورته.....هخترق جهاز الكمبيوتر بتاعه وأدعبس فيه على صورة له يكون مخزنها على الجهاز

عضو 5: أنا ضد التصفية الجسدية....إحنا نعمل معاه زى ما عملوا مع صدام حسين .....
يعنى وهوه رايح على المول نخطفه فى عربية ونطلع بيه عالطريق الصحراوى ياخد
اللى فيه النصيب ولا من شاف ولا من درى

عضو 3: تعالوا بسرعة....الحقونى.....شوفتوا الموضوع ده
يجتمع المشرفون حول القمر فى فزع متسائلين (موضوع إيه ؟؟)

عضو 1: ده موضوع مكتوب فى صفحة الحوادث فى أخبار اليوم مش هنا فى المنتدى

عضو 5: ممكن تتكلمى علطول ... أقصر الطرق إلى الحقيقة هى الطريق المستقيم

عضو 2: قصدك أقصر الطرق إلى السجن

ينتزع الادمن الجريدة بقرف من يد العضو قائلا : يختى إنطقى إحنا ناقصينك

يقرأ الادمن المكتوب فى الجريدة بصوت مرتفع: مقتل عاملة نظافه بالمول....مسلحان
يطلقان النار عليها ويلوزان بالفرار على موتوسيكل....النيابة تعد بفك غموض
الجريمة خلال ساعات

عضو 4: يعنى بدل ما نصفى الجدع بتاع إيه فايدة الكتابة فى المنتدى قتلنا الولية الغلبانة دى

المشرف : إنتى يعنى بقيتى عاميه البصر والبصيرة كمان.....إنت مش قلتى هتخترقى
الجهاز بتاعه وتجيبى صورته ؟؟؟....الصورة اللى إنتى إديتهانى دى أنا
وادمن نسخة منها كانت صورة الست دى..
عضو 3: شئ غريب فعلا دى شبهه تمام بس إيه اللى جاب صورتها على الجهاز بتاعه....لازم ألاقى حل للغز ده

عضو 1: لغز إيه وهباب إيه....الله يخيبكم....ده أنا لو معين أرنوب بدالكم كان عمل شغل أنضف من كده....إنتم إيه مشرفين ولا متفرجين

عضو 5: ياجماعة دى مالهاش فى إختراق الأجهزة .... هى بتحب تهول شويه لكن
معندهاش فكره... أنا رأيى نجند لسوما وسمسمة وضى مقابل مكافأة شهرية .....
خبرتهم كويسة فى المسائل دى

المشرف : بلاش سمسمة ...لو خدت لها جوز اقلام فى القسم هتعترف علينا كلنا

الادمن : لا حول ولا قوة إلا بالله.....ده أنا عملت فيها رامبو وأول ما شفت
الوليه داخلة المول غنيت نشيد الولاء بتاع المنتدى وركعت على ركبى فى وضع
الإستنفار وفضيت الرشاش فيها وبعد مالخزنة فضيت قلت لأحمد غطينى على ما
أحط الخزنة التانية

عضو 3: بالمناسبة إيه نشيد الولاء ده يا ادمن

الادمن : ماما زمانها جايه...جايه بعد شويه...جايبه لعب وحاجات
جايبة معاها شنطة فيها وزة وبطة بتقول كاك كاك

وبس كدة دة انا تعبت

جوز قلمين مره واحده
ده انا من اول قلم هعترف ع طول حتى لو هوش بس ومش ادهونى
بس على فكره نشيد الولاء بتاع توتى بلاش نقول المنتدى حلو وانا حفظاه
عموما تسلم ايدك يا ايه وانا مستنيه الحلقة الجايه
ههههههههههههههههههههههه

تسلمى يا قمر لرد الجميل
ويارب تكون اليوميات عجبتك

ههههههههههههههههههههههه
بجد بجد بجد تحفه

ميرسيي يا قمر لمرورك وردك الجميل

توبك جامد يويو

ميرسيي يا مودى لمرورك

الحلقة الرابعة

-----------------

المشرف : أنا كنت عايزة أناقش معاكم فكرة كده

سمسمة : خير اللهم اجعله خير

سوما: هى قواعد الكتابة فى المنتدى حاليا كام صفحة

سمسمة: 25 صفحة تحتوى على 3000 بند

المشرف : أنا عايزكم تخلوها 100 صفحة تحتوى على ما لا يقل عن 50000 بند ...
لو عرفتم تخلوها أكتر من كده يبقى أحسن

الادمن : مش كتير كده يا اختى... ده اللى مسجل جديد على ما يقراها تكون سنانه وقعت

سيد : ما هوه ده المطلوب ياعم ... مش عايزين حد يقراها ... وصلت الفكرة يازغلولة انتى

سمسمة: فكرة بمليون جنية ... الكبير كبير صحيح

بسمة : ما تفهمونا إيه العبارة ياخوانا

المشرف: يعنى اللى هيسجل جديد لازم يوقع إنه قرا قواعد الكتابة فى المنتدى ووافق عليها ... تمام

بسمة : تمام

سمسمة : طبعا لما يلاقى 100 صفحة تحتوى على خمسين ألف بند هيروح موقع من غير ما يقرا حاجة...تمام

بسمة :لا مش تمام .... مش فاهمة اى حاجة

سمسمة : هو انتى ديما كده يا بسمة خلاص سلميلى بقى عالمترو....
أى حد يكتب حاجة ما تعجبناش نروح خبطينة كدة إنذار
ونقول له إجرى يلا روح إقرا قواعد المنتدى قبل ما تكتب داهية فيك وفى أيامك السودة

الادمن : طب إفرض عضو غتيت ورخم قرا القواعد كلها قبل ما يوقع

المشرف : من لم يمت بالسيف مات بغيره .... مين يعادينا ... هيه هيه

سيد بيقول للأدمن: نبه على جميع المشرفين إن فى إجتماع هام الساعة 3 فى قسم المشرفين ....
الإجتماع مغلق وسرى للغاية

الادمن : بخصوص إيه؟؟

سيد : أنا عن نفسى معرفش يظهر إنه توب سيكرت ....
سمسمة حويطة اوى ....مش عايزة حد من الأعضاء يشم خبر عن الإجتماع

سمسمة : رقبتى ياريس
فى منتدى المشرفين الساعه 3 بدأ اجتماع مغلق وسرى للغاية بحضور جميع المشرفين

المشرف : طبعا مستغربين أنا جمعتكم ليه النهارده ...
الموضوع باختصار إن فيه معلومات وصلت للقيادة السياسية
إن المنتدى فيه عدد كبير من الأعضاء بيكتبوا ضد الحكومة وضد الريس نفسه وتوريث الحكم...
وصلتنى معلومات مؤكدة إن مبارك قرر يقوم بزيارة للمنتدى والتجول فيه بنفسه لمعرفة مدى صحة المعلومات دى...
لازم نلم نفسنا بسرعة ونستعد للزيارة اللى غالبا حتكون الأسبوع اللى جاى

سمسمة : إحنا جاهزين يابوص ... لازم نبتدى نلم كل المواضيع اللى بتتكلم عن الريس ونحذفها

سوما: تمام ونخلى المواضيع اللى بتقول كلام كويس عنه

شيمــاء: مفيش مواضيع كويسة عنه غير الموضوع بتاع جرجاوى (نعم وألف نعم يامبارك)

سمسمة : مين جرجاوى ده يا بت؟؟

شيماء : ده بيبيع جرجير....قصدى عضو جديد وله ولاء شديد لمبارك

سمسمة : عظيم كلموه يكتب كام موضوع زى الفل كدة هو ووفروله كل الإمكانيات اللى هيحتاجها

سوما : إمكانيات زى إيه يعنى

سمسمة : مساطر برايات اساتيك اقلام....كل حاجه

المشرف : عايزين نستعد للموضوع ده بكل جدية ياجماعة....
زيارة الريس لتوتى شئ مش بسيط خصوصا فى الظروف الدولية الحالية....
متنسوش إن مصر دلوقتى بلد نووية يعنى الأنظار عليها والسد العالى
لو إنضرب الميه كلها هتروح على توشكى والناس هتستخبى فى مترو الأنفاق

سمسمة : مالك يا آية إنتى عيانة

شيمـاء : لازم ياجماعة نحضر قصيدة نلقيها عند وصول السيد الرئيس

سوما : فكرة هايلة....فى مين شعراء عندنا

المشرف : كتير اووى اولهم شاعر الحب ....ياسلام...أعجوبة....
ده لو قلت له صباح الخير يروح هفك قصيدة ستين بيت وما يخلصكش من إيده غير إنك تقول أنا جدع

سوما: أظن عيب أوى يا آية أبقى قاعدة جنبك وتدور على شاعرة غيري يكتب القصيدة.....
أنا ليا حق عرب عندك....وحياة طنط بسمة ماهنسهالك

المشرف : بس إنت يا سوما يعنى ولا مؤاخذة ما بتحبش الكاكى...
واللى جاى ده كاكى واللى جابه كاكى واللى جاب اللى جابه كاكى

سوما : معلش يايويو الضرورات تبيح المحظورات....قل لى إيه رأيك فى الحتة دى

يابلدنا يامهلبية

ياحلوة يامستوية

ومبارك خلاكى آية

حسنك مالوش نهاية

المشرف: معلش يا سوما...غورى انتى من هنا ومتدخليش اسمى فى القصيدة هتودينى فى داهية...
فى مين تانى شعراء عندنا

سيد : فيه إسماعيل يس فى الأسطول... قصدى سين ...دى شاعرة جامده جدا...
أنا مبفهمش هى بيقول إيه بس هى هايلة

المشرف : أنا موافقة على سين لإلقاء قصيدة الترحيب بالريس....
ندخل على النقطة اللى بعدها فى جدول الأعمال.....تنظيم موكب الريس

الادمن : أنا رأيى إن موكب الريس يدخل من باب السياسة الداخلية وموكب شوزان
قصدى سوزان وجمال من باب الأسرة والطفل وأحمد نظيف من باب المطبخ

شيمـاء: مش هنرش المنتدى يابوص

المشرف : إيه المناسبة؟؟؟

بسمة : مش جايز الريس يكون فى جيوبه جراد ولا حاجة وأول مايدخل ينطرهم علينا

المشرف : إنتى مين يابنتى ...إنتى بقالك كتير معانا هنا

سمسمة : فعلا الإحتياط واجب...أول ماييجى ندلق عليه جردل فنيك

الادمن بيتكلم مع المشرف: أول ما الزيارة دى تتم على خير الطقم المعفن ده كله لازم يتغيرا

المشرف : هنجيب ناس مين بس يابوص

الأدمن: أى حد من اى داهية حتى لو المخبول اسلام

سوما: بمناسبة اسلام ... ده هنسيبه كده والريس جاى ؟؟؟....
أنا رأيى إننا نطرده مؤقتا لحد ما الزيارة تخلص وبعدين نرده بدل ما يعملنا قلق

المشرف : ونرده ليه....مشيه خالص

سمسمة : مالوش لزوم نعمل طرد أو ندى إنذارات اليومين دول....
بالنسبة لاسلام هوه كان كاتب قصة مؤرفة أنا حذفتها...
رجعوهاله خلوه يتلهى فيها لحد ما الزيارة تنتهى وبعدها إرموه هو وقصته فى الشارع

**ناسف للزعل يا حلويين

:السلام عليكم و
يعيش الريس
انا مالى يا عم الحج
انا بحب الحكومه هو فى احله من الكوسه منجهنا وشخلعنا يا ريس اديلو على اد بابا غنومه
وسلطاطه ومتنساش الطحينه

توبك جامد يويو
اجمد جاجه __________-
جامد موت
فى انتظار الحلقه الجيه مودى

هههههههههههههههه امين
ميرسيي يا مودى ع الاحتفال العظيم دة
الريس هيفرح بيه مووت

لالالالالالالالالالالالااللالالالالالا

ذي الفل والله بجد جامد

بصى دى خلافات بينك وبين اى حد انا مليش داعوه بيها
انا بحب البلدى وبحب كل اللى فيها
الاسعار الرخيصه
والمواصلات السهله الفاضيه
والعيش اللى بيجى لحد عندنا وزى الفل
وحاجات كتير زى الفل زى دى

عموما انا زى ما قولتلك انا من البلادى وبحب البلادى وبحب كل اللى فيها
ربنا يجعل كلامنا خفيف عليهم
pale

هههههههههههههههههههههههههه
بجد حلوة اوييييييييييي

semsemaa كتب:: بصى دى خلافات بينك وبين اى حد انا مليش داعوه بيها
انا بحب البلدى وبحب كل اللى فيها
الاسعار الرخيصه
والمواصلات السهله الفاضيه
والعيش اللى بيجى لحد عندنا وزى الفل
وحاجات كتير زى الفل زى دى

عموما انا زى ما قولتلك انا من البلادى وبحب البلادى وبحب كل اللى فيها
ربنا يجعل كلامنا خفيف عليهم

طول عمرك قلبك قلب خصايه

والله بجد تحفه يا يويو

ميرسيي اووووووى ليكوا كلهم يا احلى اعضاء
على المرور والردود الحلوة دة

قين يا ايه الحلقه الخامسه ؟؟

ههههههههههههه
حاضر حاضر هكتبها قريب والله
انا اصلا كنت ناسياها
بس انتى فكرتينى

الحلقة الخامسة

-----------------

الادمن مخاطبا المشرف : متنساش تجيب الديجيتال كاميرا العهدة بتاعة المنتدى اللى بنصور بيها الأعضاء الجداد وهما بيسجلوا عندنا هنا أول مرة يوم الزيارة علشان تاخدولى كام صورة مع العيلة المالكة

المشرف : أمرك يابوص....نتكلم دلوقتى عن التنظيم ... أقترح إننا كلنا نلبس بدل اسموكن سودا وبابيون أحمر

احمد : بس شكلنا كده حنبقى زى السفرجية ياكنج .... أنا بقول يعنى بلاش نلتزم كلنا بنفس اللبس ... يعنى اللى عايز ييجى ببدلة ييجى... اللى عايز ييجى بجينز وتى شيرت ييجى... وكده يعنى

سيد : فكرة حلوة يابو حميد التى شيرت دى....إحنا نلبس كلنا تى شيرت واحد عليه صورة ميرو كرمز للمنتدى وبنطلونات شورت زى بتاعة الكشافة وجزم اديدز وشرابات طويلة لغاية الركبة ونشغل فى الخلفية أغنية شادية دى اللى بتقول (غاب القمر يابن عمى يلا روحنى...دى النسمة أخر الليل بتفوت وتجرحنى) علشان الناس يعنى تعرف إن أنا وميرو ولاد عم

سمسمة : ياعم شورتات إيه دة بس وغاب القمر إيه .... أهم حاجة نلبس كلنا نضارات سودا ونحط سماعات فى ودانا ونقعد نتلفت حوالينا وورانا ونبص لبعض كل شوية نظرات قبيحة ومريبة فى نفس الوقت... زى ما الحرس الخصوصى بتوع الريس بيعملوا ...ولازم نبقى على إتصال مع بعض باللاسلكى أثناء الزيارة.....مهم جدا اللاسلكى ده علشان ننبه بعض لو عضو من إياهم حاول التسلل أثناء الزيارة

سيد : لازم نحبس الأعضاء أثناء الزيارة اللى إحنا متأكدين من عدم ولائهم للريس ... المشكلة إننا لو عملنا كده مش حيتبقى غير تلاته أربعة ومش حنعرف نجيب أعضاء نوقفهم قدام أبواب المنتدى علشان يهتفوا ويرحبوا بالموكب

شيماء : مش مشكلة ... نجيب كومبرس على إنهم الأعضاء... كمان هيلزمنا حتتين سلاح.....لازم أوصل البلد عندنا أشترى كام فردة واجيب أنفار

سوما : واجب برضه نشترى شوية بالونات وبمب والعاب هوا .... نسينا كمان نعمل قسم جديد فى المنتدى نسميه ( المستقبل) علشان جمال مبارك يفتتحه.....ولازم كمان نحط شريط سوليفان على كل باب من أبواب المنتدى علشان مبارك وسوزان وجمال يقصوهم....لازم ياجماعة كل واحد يقص له شريط على الأقل....ولو إتبقت شرايط بعد كده أقصهم أنا

تعالت أصوات المشرفين إحتجاجا على رغبة سوما بان تقص ما تبقى من شرائط

المشرف : وليه مقصهمش أنا

سمسمة : محدش حيقص غيرى

المشرف : طب يمين على يمينك محد هيقص إلا أنا

ثم تنتابه نوبة من البكاء الشديد وتدور الدنيا به وتظهر أمام عينيه دوامات كأنه يتذكر أيام الطفولة والماضى المنيل بنيله ....يتمدد المشرف على الأرض ويتجمع المشرفين من حوله...

تقوم مروة بعمل تدليك سريع للقلب لحد مافاق وبدأ يروى لهم قصته مع الإشراف

المشرف : زمان وانا عمرى 7 سنين كنت بروح مع أبويا الدكان كل يوم جمعة بعد الصلاة ...كان عندنا محل أقمشة فى الدرب الأحمر ..... كانت متعتى إنى أشوف العامل اللى فى المحل وهوه بيقص القماش للزباين....كان عنده مقص كبير قوى طوله يجى نص متر ... مره سهيته وخدت المقص وخبيته فى جيب القميص بتاعى لكن أبويا شافه ونزل فيا ضرب بالإقلام والشلاليت وإنضم له كل العمال فى الدكان لحد ما سخسخت.....من ساعتها وأنا أى حاجة بشوفها ببقى عايز أقص منها

بسمة : أمال لو حكيتلكم حكايتى حتقول إيه؟؟

ميرو :ياجماعة مش وقت حكايات دلوقت.. المهم اننا ندخل فى البند اللى بعده والخاص بالمأكولات والمشروبات التي ينبغي ان نوفرها للسيد الرئيس واللى جايين معاه ، ممكن أسمع أرائكم ؟

سيد : بـــس أنا جتلي فكرة جهنمية ، منها نعمل حاجة تشرفنا قدام الناس دي ومنها نوفر

المشرف : قول يا سى السيد إحنا سامعين

سيد : أنا انزل السوق أشترى كرومباية على 2 كـيلو بتنجان أبيض وحزمة ملوخية خضرا و 4 كيلو لحمة ضاني ونخلى المشرفات يعملوا حلتين محشي و ملوخية وناكل كلنا ونهيص والريس برضه ياكل ويهيص ... والله الأكلة دي أنا فكرت فيها وتوصلت ليها من شكل أحمد نظيف

المشرف : ممكن يا اخ سيد تطلع بره شويه وهانندهلك لما نخلص

سيد : حاضر .. بس ليه يا كنج ؟

المشرف: يا اخ سيد بنقولك ريس ووزارة ومرات الريس وولاد الريس ... تقولنا محشي ، يا اخي عيب كده .. ده كان إستهلال لابد منه .. هـــــا يا سادة انا عايز مشاركين لا متفرجين

سمسمة : بس وجدتها ... إحنا نعمل علب وجبات وكل وجبة فيها سندوتشن جبنة رومي وحتت جاتوة

سوما : إيه نظام الأفراح البلدي ده ؟ عايزين أفكار محترمة يا أخوانا

شيمــاء : انا بأقترح المنيو الآتية : المين كورس يبقى بيكاتا بالشامبينيون مع كريب جورجيت وتشكين آلاموند والحلو يبقى باقيا بالمسطردة

يويو: يا شيمــاء الناس اللي جايه دول مصريين ولازم نعمل لهم حاجة يفهموها عشان ياكلوها ... خلص الكلام

بسمة: ياجماعة.. يا جماعة.. ممكن أقول رأيي ؟

ميرو : أيوه وماله من حقك

بسمة: زي مانتوا عارفين أنا عندي مزرعة في الكيلو 36 وانا مربيه هناك كام دكر بط على فرختين عتاقي ، فأنا بأقترح إننا ندبح البط ده جنب الفراخ مع شوية برتقان بصرة من بتوع المزرعة ونمشي الليلة

سمسمة : والله شكلكوا هاتكسفونا مع المحشي والبط والكلام ده والريس هايغلق المنتدى بسببكم ، يا جماعة الناس اللي جايه فيهم ناس كبيرة في السن يعني بالتأكيد عندهم السكر والضغط والكوليسترول والكلام ده .. عايزين حاجات خفيفة وصحية وعلى رأي المثل " صحي ومفيد "

يويو : شكرا يا سادة .. بعد ما أستمعنا إلى جميع الآراء بشكل ديمقراطي ديماجوجي .. احب أقوللكم إن انا وميرو إتفقنا من الاول إننا نتصل بمطعم مكسيم عشان يبعت لنا وجبات جاهزة وتبقى حاجة محترمة قدام الريس ...

سيد : يحيا العدل هي دي الديمقراطية ... الله ينور عليك بس عدم اللامؤخذه إنتوا كنتوا جايبنا ليه وسمعتوا أرئنا ليه ؟

المشرف : ممكن تسكت يا سيد انا خلاص هيجيى السكر منك ؟

سيد : حاضر ياعم .. حاضر ياخويا .. مكسيم مكسيم .. أهو برضه أحسن من مطعم أخر ساعة اللي جنب الجامعة العمالية

شيماء: بس يا جماعة ماتنسوش تزيد الوجبات عشان الاعضاء

سيد : اعضاء مين يا شيماء اللي هايكلوا من مكسيم ؟ يا ست الكل دول هانجيب لهم ساندوتشات فول وطعميه وحتتين طرشي وأقلب .. قال نأكلهم من مكسيم قال .. والله عال .. ناقص تقولي كمان ييجوا يسلموا على الريس ويتصوروا معاه

الادمن : ننتقل للبند اللي بعده ... المشروبات ... ولو سمحتوا اللي هاشاور عليه هو بس اللي يتكلم مش عايزين فضايح ... أيوه أتفضل يا اخ أحمد مع إنك مش مسموحلك بالكلام إلا بعد ما تقضي 6 شهور إشراف شاق مع الشغل .. لكن زي بعضه إنطلاقا من تعميق تجربة الديمقراطية وكــنفحة من عطفي ونبذة من حبي وشلحة من حناني هاسيبك تتكلم ......بس إوعى تعك

أحمد : ربنا يخليك لنا يا بوص ده أحنا من غيرك ولا حاجة وناقصنا كام مليون حاجة

المشرف: هايشتغل بقى في الاغاني الحمضانة بتاعت شادية ومصر اليوم في عيد وهاينكش لنا القصة بتاعته .. الشغل ده أنا عارفه

الادمن : مش انا قولت ماحدش يتكلم إلا اللي أشاور عليه .. قول يا أحمد قول ملكش دعوة بيهم

أحمد : إحنا نجيب ازازتين نبيت احمر يا كينج وكل واحد ياخد له بؤ عشان يفتح نفسه وياكل بمزاج

الادمن : خيبك الله خسئت وخسئت أفكارك ... خمر ؟.. منكر ؟ إنت عايز الناس تسكر وتقوم تدور الضرب في بعض .. وبعدين إحنا مستمحلينهم وهما فايقين لما نستحملهم وهما سكرانين ... بلاش كلام فارغ .. إتقى الله يا اخي .. ده أنا لسه راجع من العمره ... اعوذ بالله .. اعوذ بالله

أحمد : إيه يا ادمن منكر وخمر إيه ؟ بالراحة علينا شوية .. انا قصدي عصير عنب وأنا اللي هاعصره بإيدي كمان

سيد : خلاص خلاص .. انا قررت انا وميرو إننا نقدملهم ينسون

سمسمة : برافو عليك أنا بحب جدا الحاجات النيتشورال اللي زي دي

المشرف: أنا معاك يا كينج في فكرة اليانسون والمهدئات دي .. ربنا يهدهم يارب

انا بقول كمان نحط نعناع بحيث يشريوه ويناموا
واهو على رائ المثل رايح واستريح

بجد جامد بس متتاخريش فى الحالقه السادسه
علشان انا بدائت انسى الحلقات اللى فاتت
Laughing

هههههههههههههههههههههههههههههههههههههه
والله فكره جامدة يا سمسمة ياريت مش تحرمينا من افكارك دى
ووعد الحلقة الجاية هتبقى قريب
ان شاء الله

هههههههههههههههههههههههههههههههههههههههههههههههههههههه

بجد حلو اوي

وتسلم افكاريك

ميرسيي بجد اوووى يا يويو لمروك الجميل وردك الاجمل

ميرسي ليكي يا اية واخجلتم تواضعنا

» محاكمـة مشـرف.....