ازاى ترفعى ضغط اخوكى وتنقطيه

جبت ليكم موضوع حكايه لاى بنت زهقانه ومخنوقه من اخوها وعايزه تنتقم منه

هى خطوات بسيطه هتعمليها بس ركزى معايا قوى

يلا نبدأ



** لو فى مباره فى التليفزيون **
والاخ متحمس اقطفى الحماس ده

ازاى انا اقولك

استنى لحد مايندمج اوى فى المباراه هتلاقى عنيه مفتوحين على الاخر ومش همه حد يعنى ممكن تفجرى صاروخ جمبه ولا

يلتفت 0000 هنا بقى قومى بشغلك

قومى جيبى قطعه قماش وجلانس التلميع واقفى عند التليفزيون وامسحى الشاشه

واذا قلك ابعدى قولى له انا مش فاضيالك انا بنضف

وبعدين روحى جيبى المكنسه واكنسى المكان اللى هو فى وعلى اعلى سرعه علشان الصوت يكون عالى وحالولى كل شويه تكنسى قدام التليفزيون يعنى لا صوت ولا صوره

وغطى عليه ولا يهمك

واذا قالك ابعدى قولى له اسيب البيت كده والضيوف فى السكه 00 وبعد كده اعملى ان الاكل نسيتيه فى الفرن واجرى ودوسى

على رجليه واوعى تبصى وراكى




**عند النـــــــــــــــــــــوم**


لما تحسى انو دخل ينام واتأكدى انه نام خالص هاتى اى عيل ابن اختك او اخوكى الصغير او ابن الجيران او حتى ابن البواب

ودخليه يلعب فى اوضته فوق راسه

واوعى تخافى وزودى العيار شويه



** وقت المعـــــــــــــــــــركه**

لو طقت فى دماغك انتى وهو انك تقومى بمعركه معاه لازم تجهزى نفسك من كل ناحيه

1- اللبس: البسى ترننج علشان يسهل الجرى

2- الشوشه : لازم تلميها وتعملى حفله ايشاربات فى راسك

وانتبهى ولا خصله تنزل من شعرك

واليوم ده يا ريت تكونى حطه حنه على راسك علشان ميتجرئش يلمس شعرك

3- مفتاح الاوضه: لان الاحتياط واجب

اذا ابتدت المعركه اوعى تبينى انك خايفه

واول ما ايده تطول اوعى تسكتيله واديله طراااااااااااااااخ

بالبوكس فى عينه علشان مايشوفش قدامه

وحطى رجلك قدامه

وعلى طول جرى على اوضتك اللى انتى محضره مفتاحها قبل كده

بس نصيحه اقعدى يومين لابشوفك ولا تشوفيه لانه اكيد هيبقى عايز ينتقم لكرامته
وممكن يوريكى النجوم فى عز الظهر هههههههههههههه




يالا يا بنات اعملوا كده وعلى بركه الله

ههههههههههههههههههههههههه
ايه الاخ الى من اول حاجه ده ميعملش حاجه ده لو
انا عملت كده مع اخويا مجرد ما المس التليفزيون
قولى عليايا رحمان يا رحيم
بس موضوع جميل اوى تسلم ايدك يا شذى

مرسى يا سمسه وايه على المرور